Håndverksgruppen AS leverer alt innan overflate og er primært ein B2B-aktør med majoriteten av omsetninga frå ROT. Håndverksgruppen omset for om lag 7,5 milliardar og har over 4.500 tilsette. I Noreg omset vi for 3,5 milliardar og har over 2.200 tilsette. Region Midt omset for 500 millionar og har over 400 tilsette. Konsernet består av lokale handverksbedrifter i Noreg, Sverige, Danmark og Tyskland. Vår ambisjon er å bli Nordens leiande overflateentreprenør. Me skal levera tenester innan mur, måling, flis og golv – langt over kunden sine forventingar, og med god margin. Me skal vera leiande innan berekraft, og me er opptekne av å utvikla kompetanse og dyrka talent.

Me søkjer ein serviceinnstilt løns- og rekneskapsmedarbeidar som skal bistå nokre av verksemdene i Håndverksgruppen Region Midt med rekneskap og rapportering til konsernet. Region Midt-Noreg består av 11 selskap frå Trøndelag til Sogn og Fjordane. Stillinga er nyoppretta og vert lagt til Malarmester Eilert & Edvin Holme AS i Sogndal. Du vil arbeida tett saman med den administrative leiaren i verksemda, og få store moglegheiter til å påverka innhaldet i stillinga. Sogndal er eit regionsenter i utvikling og er kjend for spektakulær natur. Er du glad i friluftsliv, er Sogndal eit eldorado!

Me tilbyr:

• Ei variert og spanande stilling i ei verksemd i vekst
• Moglegheit til å påverka eigen arbeidsdag
• Ein hektisk og lærerik kvardag
• Gode utviklingsmoglegheiter i eit solid verksemd
• Eit godt arbeidsmiljø bygd på tillit

Arbeidsoppgåver:

• Lønskøyring
  
• Rekneskap frå A til Å
  
• Periodeavslutning
  
• Rapportering til konsern
  
• Vidareutvikling av rutinar for rekneskap og rapportering
  
• Skaffa innsikt og beslutningsgrunnlag for leiinga

Kven er du?
Du likar å samarbeida med andre og har evne til å byggja gode relasjonar. Du er strukturert, løysingsorientert og har sans for effektivisering. Det er ein stor fordel om du er analytisk, nøyaktig og har auge for viktige detaljar – men det viktigaste er at du er engasjert, proaktiv og lærevillig.

Du har i tillegg:

• Høgare utdanning innan økonomi/rekneskap (relevant erfaring kan vege opp for     manglande utdanning)
  
• Erfaring med prosjektrekneskap
  
• Erfaring med rapportering til konsern
  
• Evne til å skapa god økonomiforståing i verksemda
  
• God kompetanse på digitale verktøy, gjerne med Power BI, Tripletex og POGO.
  
• Gode norsk-kunnskapar, både munnleg og skriftleg

Verkar dette interessant for deg?

Send søknad til post@holmehg.no innan 15.06.2025

Har du spørsmål om stillinga eller rekrutteringsprosessen, kan du kontakte:

Eilert Brox Holme på mobil 959 42 954 eller epost: eilert.holme@holmehg.no

Om oss:

Malermester Eilert & Edvin Holme AS held til i Sogndal, og har ei underavdeling i Hallingdal. Me tilbyr tenester innan måling, mur, flis og golvlegging. Selskapet har 27 stolte handverkarar som leverer solid handverk og god service til kundane våre. Me har tilsette frå fleire nasjonar – mellom anna Noreg, Polen, Latvia, Ukraina og Portugal. Malarmester Eilert & Edvin Holme AS er eigd av Håndverksgruppen AS – eit lite stykke nordisk industrieventyr som samlar lokale handverksbedrifter innan overflatefag i eit landsdekkjande konsern.

https://www.eholme.no

https://www.handverksgruppen.com